Библиотеката при Шумарскиот
факултет во Скопје датира уште од
1947 година, кога егзистирала како
библиотека при
Земјоделско-шумарскиот факултет во
Скопје. Во 1975 година, со
одделувањето на Шумарскиот
факултет како самостоен, била
извршена и поделба на библиотеката.
Библиотеката спаѓа во редот на
високошколски стручни библиотеки.
Располага со стручна литература од
областа на шумарството и дрвната
индустрија, со книжен фонд од околу
6.000 наслови на книги и околу 900
наслови на списанија. Исто така, во
библиотеката се наоѓаат и
магистерските и докторските
трудови, како и завршните извештаи
по теми изработени од професори и
асистенти, како и надворешни лица и
стручни соработници, а кои се од
областа на шумарството и дрвната
индустрија. Библиотеката е од
затворен тип и може да се користи од
страна на професорите, асистентите,
магистрантите, докторантите,
стручните соработници и студентите
на факултетот. Во склоп на
библиотеката има и читална со 42
седишта. Библиотеката работи секој
работен ден во текот на целата
учебна година.
Лице за контакт: Савка Ацева
тел. 02/3135033 / лок.104
e-mail: saceva@sf.ukim.edu.mk
